重飛開齋太奇妙

猪拉多纳

普羅馬迷要喺快活谷賽事贏錢從來都唔容易，不過對於落飛黨而言，似乎又有唔同講法。
       
太奇妙臨場大注得手，眼光獨到。

尋日第四場三Ｔ頭關，一早知道形勢立立亂，都係爆冷嘅成數高，點知班落飛黨一樣獨具慧眼，竟然計到隻無乜根據嘅「太奇妙」，最終一矢中的，贏個盆滿缽滿。
       
徐雨石

「太奇妙」近績雖然只屬一般，但係臨場飛數就絕對唔係講玩，閘前由二十幾倍打到九點八倍着埋啡燈，最終留前鬥後外檔一衝即手到拿來，打開在港勝門，姿態相當厲害。
       
周末三Ｔ多寶七百萬

其實呢場除咗Ｗ難搞之外，Ｑ、Ｔ以至大彩池都唔易處理，二、三名嘅「駿馬精英」同「金添好運」都係冷門分子，難怪三Ｔ又無人選中，本周末日馬多寶累積超過七百萬！