米堡「-1」打落水狗

猪拉多纳

17/04/2012
文： Mic少

英冠尚餘三輪賽事，包尾嘅唐卡士打成為首支降班球隊，球員已經無心戀戰，今晚周中快車作客米杜士堡，勢成炮灰。米堡只係落後第六位卡迪夫城兩分，相信會踩盡油作最後衝刺搶踢升班附加賽，1.95倍「讓球主勝」抵玩。（周三凌晨2時45分開賽）


根據賽制，英冠第三至第六位球隊，可以參加升班附加賽，排第七位嘅米堡現時比第五黑池及第六卡迪夫城少兩分，一輪賽事足以改變形勢。如果殺上英超，將可以獲得龐大經濟利益，來到目前地步，米杜士堡肯定搏埋佢。


除咗米堡戰意夠旺盛外，最重要係對手唐卡士打已篤定降班，相信唔會作無謂反抗。唐卡士打今季「死因」係防線不設防，踢四十三場聯賽已失咗七十七球，季尾更如黃河決堤，近四場已失十三球，包括作客吞李斯特城四蛋，今仗到訪實力同李城相若嘅米杜士堡，大敗好正路。

雷丁剷平森林返英超

另外，榜首雷丁如果今晚主場擊敗諾定咸森林，而第三位韋斯咸失分嘅話，就可以提早取得下季英超席位。以雷丁五連勝強勢，要淨贏下游分子森林兩球或以上，問題唔大，「讓球主勝」可取。