山度士訪高原難贏「玻」

猪拉多纳

25/04/2012
文： 自由恒

一直都唔多明白咁重要嘅西班牙國家打吡，竟然會安排喺歐聯4強兩回合賽事中間舉行，搞到雙方都唔能夠盡全力應付連場激鬥，如今西甲雙雄喺首回合雙雙落後，絕對係賽程安排失當所致。

玻利瓦爾分組賽主場兩連勝

喺南美洲同樣有累街坊嘅賽程安排，講緊嘅就係聽朝嘅自由盃賽事，本來8場淘汰賽都劃一安排喺下周中舉行，但為咗遷就電視直播，卻將山度士作客玻利瓦爾嘅自由盃16強首回合提前到聽朝上演，搞到呢支森巴衞冕兵團喊晒口，事關佢哋除咗要喺11日內應付4場波之外，仲唔可以專心應付下周日對聖保羅嘅州聯賽4強戰。


山度士除咗要應付頻密賽程之外，今仗自由盃作客玻利維亞亦肯定索晒氣，還記得佢哋喺分組賽作客海拔3,600米高原，就以1：2不敵玻利瓦爾同市死敵強者。再睇番玻利瓦爾今屆分組賽主場連贏兩仗，戰力比強者更強，所以咪以為山度士有新球王尼馬壓陣，都有得受讓平半係筍盤呀。（開賽時間：周四早上8：50）


足球重心：玻利瓦爾（上盤）


馬膽推介：5場(4)永順益


近兩戰都排喺11檔搞到焗住留後，今仗執到個2檔可望採取較主動跑法，只要能夠適應變化場地，唔難反先「金德勝」。

自由盃及巴西盃賽制：

採主客兩回合淘汰制，自由盃為16強首回合，巴西盃為第3圈首回合，若總比數相同，作客入球較多一隊晉級，再和則於次回合後隨即互射12碼決勝。