向日葵「+1」啱口胃

猪拉多纳

27/04/2012
文： 蘇豪

日乙進入瘋狂快車期，將於十日內踢四場波，中下游球隊草津溫泉今輪主場迎戰北九州向日葵，溫泉三大主力都要坐波監，殘陣出戰難讓波，蘇豪推介「讓球客勝」！（周五下午6時開賽）


草津溫泉今季主場只輸過畀榜首勁旅湘南比馬，整體表現唔失禮，不過守將保崎淳、中場櫻田和樹同松下裕樹今場都要停賽，人腳嚴重不整。溫泉並無龐大陣容，後備力量不足，今次被迫變陣出擊，戰鬥力大幅減弱，實在唔多信得過。


北九州向日葵上季由前日本國寶三浦知良嘅大佬三浦泰年領軍，成功取得第八位，戰績已算唔錯，球隊新季仍能保持水準，早前曾經取得四連勝，包括作客戰勝名牌球隊甲府風林，演出好硬淨，加上近三次作客草津溫泉未輸過，受讓有計！

比馬弗爆炒蜀葵

同日榜首球隊湘南比馬主場對水戶蜀葵，比馬愈戰愈勇，開季九戰八勝一和，合共轟入廿二球，每場最少入兩球，進攻火力相當驚人。日乙好少球隊可以踢得咁進取，蜀葵拍埋去根本唔夠班，預計比馬可以大勝對手，要「讓球主勝」！