|
|
吼实胜利旋峰
我有两位亲戚大家姐同冠哥响三藩市嚟咗香港，专程同我外母做生日，嚟紧幾日我会同佢哋四围玩吓，希望佢哋响香港玩得开心啲！
讲番心水，锺意第二场「胜利旋峰」，季初响1200米大胜对手，證明实力唔曳，今次跑番赢马路程兼用吴嘉晋减磅上阵，有分头要吼实。另外推介第七场「绰力之城」，在港一出即胜嘅马，质素当然有番咁上下，交出水準有权赢番一仗。
张敬山
李宝利表现非常好
李宝利刚战凭「幸运雄威」食尾胡，睇嚟呢位骑师已经骑出信心，今日告别在即，一於捧佢啲坐骑。重头戏第八场女皇盃，李宝利骑日本代表「统治地位」上阵，原来呢隻马曾由佢赢过日经新春盃，人马早有默契，今次话唔定可再捧盃。
另外推介尾场「非常好」，上场响泥地1800米跑第三，反映状态已经返咗嚟，外地服役时曾响软烂场地有过表现，如果临场有雨必须吼实。
任达华
花月春风换人赢
女皇盃大赛日，大摩又派出成棚恶马，睇嚟必有头马见面。锺意第三场「甜将」，上场缩程跑直路赛都入Q，今次跑番以往五战获三冠两季嘅1200米，威力只会有增无减，用埋柏宝操刀倍添信心，有望补中。
另外锺意第九场「花月春风」，在港四次上阵虽然未赢过，但亦曾经两度上名，战鬥力唔使怀疑；今次换马伟昌操刀，话唔定人马可以擦出火花，顺利打开胜门。
寇鸿萍、梁廷锵
|
|
金睛卡
发表于 2012-4-29 11:02
变色卡
显身卡