阿積士平手殺「迪」

猪拉多纳

29/04/2012
文： 吉拿甸奴

川迪今晚喺荷甲主場對阿積士，平手都要唔過。雖然川迪要搶分爭踢下屆歐聯，但阿積士今場贏波就可以提早封王，戰意肯定無敵，加上阿積士受到「告魯夫效應」影響，每逢呢位荷蘭球王大壽後嘅比賽幾乎必贏，今次可以將冠軍當生日禮物補送畀告魯夫，絕對撐得過！ （now639台周日晚8：30直播）


現時川迪只不過落後第2位嘅阿爾克馬爾1分，進軍下屆歐聯嘅計劃未玩完，而且自從教練麥卡倫回歸後表現有好轉，最低限度近6場聯賽都有3勝3和。不過咁，現時阿積士領先次席嘅阿爾克馬爾6分，而且得失球差有壓倒性優勢，只要今場贏波，剩低兩輪聯賽理論上阿爾克馬爾就點都冇得追。


再講剛啱過咗嘅4月25號係告魯夫嘅65歲生日，以往每年佢生日後，阿積士幾乎例必贏波祝賀呢位荷蘭球王，對上11年佢大壽後就有10次贏波，勝出率高達91%，當中更加有7次至少淨勝2球，唯一例外係08/09年球季只能夠喺主場以1：1逼和阿爾克馬爾，既然「告魯夫效應」咁犀利，平手捧阿積士穩陣。