賓尼耶斯客W嗒糖

猪拉多纳

02/05/2012
文： Mic少

亞冠盃分組賽進入大直路，投X前必須睇清出線形勢，揪出已篤定出局嘅球隊來反，B組卡塔爾球隊多哈艾阿拉比四戰全敗，已提早畢業，劣績亦反映佢哋未夠班喺亞冠盃立足，今晚主場對爭出線嘅阿聯酋球隊賓尼耶斯，2.3倍客勝值博。


（周四凌晨零時開賽）


多哈艾阿拉比可以話係今屆亞冠盃魚腩，是目前唯一全敗球隊，包括首循環吞賓尼耶斯兩蛋，已輸到信心盡失，球隊依家只係捱埋最後兩輪賽事，已無心戀戰。反觀賓尼耶斯現時落後第二位柏克塔哥兩分，爭出線仲有價講，尤其係柏克塔哥今輪要鬥榜首伊蒂哈德，好可能會失分。故賓尼耶斯如果今場全取三分，隨時可以反超前柏軍。賓尼耶斯爭勝誘因夠大，實力亦凌駕多哈艾阿拉比，客W開出機會高。


另外F組兩場波，FC東京主場對布里斯班獅吼、FC北京主場對蔚山現代，亦有好路。FC東京及蔚山現代同樣今輪只要和波攞一分已可出線，未必去盡。其中南韓球隊蔚山現代作客情況下，對住FC北京難免會踢得保守，讓波制唔過，可考慮入球細。

FC東京連敗追住反

至於FC東京剛於日職連續兩場捧蛋，近四次主場出擊輸三場，今仗冇必要全取三分情況下，FC東京讓波，寧揀布里斯班獅吼「讓球客勝」。