美職「孖芝」對決演入球騷

猪拉多纳

04/05/2012
文： 查理阿蛋

聽朝美職上演「孖芝大戰」，由美國芝華士主場迎戰芝加哥火燄，唔好以為芝華士有主場之利就要睇高一線呀，皆因佢哋開季到依家嘅主場賽事居然全部輸晒，咁啱兩隊都有高質射手壓陣，不如敲個2.2倍入球大仲有肉食！（開賽時間：周六上午11：00）


其實火燄近8仗對美國芝華士都未輸過，本身應該秤先，不過佢哋嘅教練高路柏斯上場賽後被逐，今仗唔可以喺場邊督師，所以小妹都唔敢將佢哋睇得太高。好彩陣中射手加納奧杜奴今季保持出色表現，佢只要入多1球就可以同古碧克及白蘭高齊名，進軍球會射手榜第15名，今場要數胡絕對冇問題。


芝華士今季4場主場悉數落敗，不過又咁好彩敵軍教頭同埋後防大將安尼巴巴停賽，新簽入嘅荷西哥利亞分分鐘有得發圍，呢位射手被視為哥倫比亞明日之星，佢為家鄉球會博亞卡捷高効力嗰陣，喺最後7場賽事射入6球，對火力貧乏嘅芝華士嚟講絕對係救星，聽朝場波絕對「大」得起！