馬拉加乘機搵著數

猪拉多纳

05/05/2012
文： SAMVO肥叔

去到季尾，揀波一定要睇球隊心態，邊啲波要爭歐戰資格、邊啲球隊要搶分護級，一定要了解得清清楚楚，唔係就好蝕底。有人或者會問，喂肥叔，咁樣好似膚淺咗啲喎！但有時諗嘢唔使咁複雜，周時鑽牛角尖、成個腦滿布陰謀論，分分鐘適得其反。


講番今日賽事，西甲方面馬體會主場對馬拉加，馬拉加受讓半一，要下盤！馬拉加本季變身富豪球隊，打得有板有眼，去到季尾仲有得爭來屆歐聯資格，真係叻仔。依家係搶分關鍵時候，佢哋老細一定落柯打叫班波盡搏，大佬我掟咗咁多錢出嚟，當然希望盡快有回報。相反馬體會已殺入歐霸盃決賽，班球員難免避忌怕受傷，呢場讓唔起馬拉加。


（周日凌晨3時開賽）

維拉利爾餓搶華倫

西甲同時間開波還有華倫西亞主場鬥維拉利爾，華倫讓到一球必捧下盤。「蝙蝠兵團」去到季尾冇乜貨賣，好多主力都打唔出水準，睇吓佢哋歐霸四強兩回合都輸就知。維拉利爾唔似會降班，下盤筍！而奧沙辛拿主場勁，讓得起皇家蘇斯達半球，要上盤。


最後講埋足總盃決賽，以波論波車路士高過利物浦些少，但始終勝負難料，睇番兩軍近期表現，入波應該唔會少，一於捧大！

肥叔心水

科隆下盤

哈化柏林上盤

史特加大

車路士大

萊切上盤

馬拉加下盤

奧沙辛拿上盤

維拉利爾下盤