錫周三升班在望大炒格

猪拉多纳

05/05/2012
文： RICHARD WELBING

英甲今晚煞科，查爾頓已穩奪冠軍及升班資格，四支降班隊伍亦告塵埃落定，今晚焦點將放在餘下一個直接升班席位。現時排第二嘅錫周三領先同市宿敵錫菲聯一分，只要主場擊敗已經篤定降班嘅韋甘比便可達標，難怪主Ｗ低開1.18倍，建議捧分頭較好嘅「讓球主勝」。（周六晚10時開賽）

對韋甘比捧「讓球主勝」

錫菲聯下半季大部分時間處於聯賽榜頭兩名，爭取直接升班原本形勢大好，可惜臨近關鍵時刻卻突然失準，對上兩場先後不敵米爾頓凱恩斯及打和史提芬納治，將主動權拱手讓予錫周三。錫周三自從於二月尾打吡戰擊敗錫菲聯後順風順水，近十三場聯賽十勝三和保持不敗，今場對手韋甘比已篤定降班，對上四場一和三負兼失十二球，戰意有限，錫周三目標鮮明應不難大勝，1.6倍「讓球主勝」開出機會高。


另外，史提芬納治、諾士郡及卡素爾則角逐最後一個升班附加賽席位，前兩者目前同得七十分，史軍得失球差佔極大優勢，只要今仗擊敗踢風流波嘅貝利便可確保前六名，1.4倍主Ｗ係首選。此外，史軍對上七場主場賽事均開「半場和」，值得再追。