美斯爭金靴巴塞唔收韁

猪拉多纳

05/05/2012
文： 亨格比利

西甲冠軍雖已名花有主，但咪以為「二哥」巴塞隆拿會放軟手腳，適逢今晚係哥迪奧拿最後一次喺魯營主場領軍，好頭好尾照計唔會揸流，對住隊死氣沉沉嘅愛斯賓奴有望大開殺戒，呢場同市打吡就算巴塞讓到「-2」都要撐1.6倍「讓主」。（now632台及廣東體育周日凌晨3：00直播）


巴塞來季由維蘭路華掌舵，今場係哥迪奧拿喺魯營嘅告別戰，點計都要威番鋪畀主場球迷睇啦，班手足仲唔加多兩錢肉緊好好「招呼」愛斯賓奴咩！況且美斯失落西甲同歐聯，一定想贏番個神射手做安慰獎，入球意欲唔使懷疑。

愛斯賓奴3連敗失8球

賽前消息指沙維已經復操，為重拾狀態喺月尾場西盃同畢爾包鍊過，尋日請纓披甲務求盡快操番弗，預期哥帥會繼續玩輪換政策，派施度基達、賓度等副選兵溝埋啲正規軍落場。早前佢哋半力出擊都大炒華歷簡奴7蛋，愛斯賓奴聯賽3連敗勁失8球，攻擊中場艾賓又話腿受傷提早收咧，又黑又頹點頂得住巴塞呀？

猪拉多纳