護級3弱搶分鬥快上岸

猪拉多纳

06/05/2012
文： 笛子波童

今季英超爭持空前激烈，除咗榜首曼徹斯特雙雄爭餐死，榜尾護級一樣鬥得燦爛。現時榜尾形勢，除包尾狼隊已返魂乏術外，尾二31分的布力般、34分的保頓和昆士柏流浪最為勢危，而有37分在手的維拉和韋根亦未夠分上岸，在5隊只能活3隊的情況下，今晚主場出擊的保頓、昆士柏流浪和維拉定必要把握這最後搶分良機，鬥快上岸。

史篤城Hea住踢明益昆士柏

昆士柏流浪暫以得失球較佳壓住保頓排尾4，但佢哋最後一輪需要作客榜首曼城，搶分機會渺茫，如果今場對史篤城攞唔晒3分，護級前途真係凍過水，領隊曉士點會唔識計數？


事實上，以QPR近期喺主場好勁，對上4場接連擊退利物浦、阿仙奴、史雲斯及熱刺，決心、鬥志冇得彈。相反對手史篤城早早上岸，去到季尾已經有放軟手腳迹象，而且史篤城上周中多踢一場補賽對愛華頓，體力上亦輸蝕，昆士柏流浪以逸待勞更佔優勢，因此呢個1.78倍主W相當有保證。（有線303及203台周日晚9時直播）