熱刺砌盡保四 客窒維拉

猪拉多纳

06/05/2012
文： 法達斯維

維拉自從2月開始冇段好睇，14場聯賽只嘗1勝僅取10分，更「失足」捲入護級漩渦。現時班波好似散散哋，領隊麥利殊都谷唔起班波，前幾日占士哥連斯、戴爾夫同基斯靴特仲夜蒲生事，毫無紀律可言，即使主場受讓亦不宜沾手。


熱刺主帥夏利列納失落英軍帥位後可專心領軍，主力雲達華治、莫迪歷回勇，球隊狀態止跌回升，加上為「保四」踢歐聯，戰意特盛；反觀維拉分數上尚有少許優勢，尾輪對手又係無欲無求嘅諾域治，因此即使輸畀熱刺亦非世界末日，一於簡單揀1.78倍客勝。（有線301及201台周日晚9時直播）