祖記中立場碌卡

猪拉多纳

06/05/2012
文： 巨高

另一爭標主角祖雲達斯，今晚將會飛赴意大利與斯洛文尼亞邊境，亦即意國東北部嘅第里雅斯特樂高球場對戰卡利亞里。基於今次喺中立場比賽，卡利亞里冇晒小島威力支持，相信今場都幾難威脅到祖雲達斯。預料祖記會拚盡所有求勝，「讓球客勝」可捧。（now 632周一凌晨2時45分直播）


祖雲達斯上輪對萊切認真慘情，因門將保方犯錯而痛失兩分，直接令競爭對手AC米蘭重燃爭標希望。好彩祖雲達斯仲有一分領先優勢，加上對賽成績好過AC，爭標形勢仍然處主動。但點講都好，今場對卡利亞里就一定要贏波攞三分，尤其上輪畀萊切逼和一比一，更加激發起祖記鬥心。


卡利亞里質素一般，近期表現亦唔算突出，狀態上缺乏支持。況且今次唔喺撒丁島比賽，爭分能力就再打折扣。