聖保利擺大個頭博升班

猪拉多纳

06/05/2012
文： 走肖

所謂希望，好多時係虛假嘅，聖保利今晚喺德乙主場對柏達邦，表面上兩隊都有機會爭踢升班附加賽，實情係只要第3位嘅杜塞爾多夫主場砌低杜伊斯堡，佢哋兩隊就要疊埋心水下季繼續踢德乙。咁嘅情況，球員難免心不在焉，唔夠集中失波好正常，一於博入球大等開入球騷。（開賽時間：周日晚7：30）

柏達邦心不在焉

現時柏達邦得61分排第4位，聖保利以59分排第5位，但由於杜塞爾多夫有61分排第3位，得失球差又拋離柏達邦十幾球，計落佢哋只要贏波，就肯定可以參加升班附加賽。當然，我唔夠膽講聖保利同柏達邦肯定冇行，但實際上咩環境，佢哋心中有數，而且可能全場掛住杜塞爾多夫嘅戰果，心大心細唔似可以保持到清白。


杜塞爾多夫贏波 齊齊繼續踢德乙


事實上，消息話聖保利教練舒伯特打算盡地一煲，安排麥斯古斯同艾巴斯合作爭取入球，呢兩位射手今季合共射入21球，實行以猛火燃點升班最後希望，加上兩隊心態上都唔會求和，照形勢睇根本唔似係悶波。


假設咁講，如果杜塞爾多夫一早領先，兩隊可能冇晒心機防守，失分嘅話，雙方就要的起心肝搏命，點計都係玩1.57倍入球大着數。