里爾鬥卡昂勢演入球騷

猪拉多纳

07/05/2012
文： 笛子波童

周二凌晨共有7場法甲上演，頭場直播里爾主場鬥卡昂相信將有唔少入球出現，首選大盤（now 714周二凌晨1時直播）。至於尾場雷恩主場鬥蒙彼利埃，蒙軍今季聯賽不敗率逾8成，如今進入爭標關鍵時刻有得受讓非常值博，下盤可捧。（now 633周二凌晨3時直播）


法甲爭標現成3強鼎立，蒙彼利埃、聖日耳門雖然在積分上領先，不過排第3嘅里爾卻係狀態最好一隊。里爾近8場聯賽7勝1負，當中主場4戰全勝攻入12球，盛傳受到多間富豪球會青睞嘅比利時國腳夏薩特4場都有士哥，狀態弗到漏。


唯一擔心係球隊防線近期表現唔算穩陣，對上3場主場比賽都有失波，而且卡昂仲未肯定護級成功，仍需積極搶分，主W僅得1.25倍唔抵玩，不如改捧大好過。

雷恩讓唔起蒙彼利埃

另一支爭標分子蒙彼利埃作客鬥雷恩，蒙軍去仗被伊維恩逼和2比2，領先優勢收窄，但佢哋全季聯賽僅輸6場，不敗率逾8成。雷恩近兩次主場贏波對手都係下游護級隊伍，之前4場主場對住實力較強嘅里昂、里爾或圖盧茲都贏唔到，讓平半唔穩陣，寧捧蒙彼利埃下盤。