雷根斯堡靠大豬 入波注定少

猪拉多纳

德丙、德乙附加賽首回合今晚開打，德丙季軍雷根斯堡喺主場對德乙尾3嘅卡爾斯魯厄，分別要為升班同護級而戰。由於關乎來季前途，雙方都唔敢亂攻，近3季6場附加賽全部開入球細，撞啱雷根斯堡由「大豬」孭飛火力有限，今場玩1.68倍入球細最穩陣。（開賽時間：周六凌晨2：30）
附加賽例牌少交收

雷根斯堡近7場聯賽有4勝2和1負，最有名氣係隊長兼射手杜比亞斯舒韋恩史迪加（圖），即係德國國腳「小豬」個阿哥。不過咁，雖然「大豬」今季攻入14個聯賽入球，而且即將喺暑假加盟拜仁，但其實佢轉會後，只係為拜仁預備組出戰，30歲人依然踢唔出名堂，好打極有限。

至於卡斯斯魯厄所謂嘅首席射手伊舒韋利，今季得8個聯賽入球表現完全唔合格，而且自08/09年球季開始，德丙、德乙附加賽未出現過入球騷，對上6場全部開入球細，甚至得09/10年球季嘅恩高斯達特，曾經喺次回合攻入2球，其餘5場冇球隊能夠單場攻入多過1球，咁嘅情況唔追入球細點得？
德國聯賽附加賽賽制：

採主客兩回合淘汰制，今輪為首回合，若總比數相同，作客入球較多一隊勝出，再和則於次回合後加時作賽。若加時入球數字相同，客隊將憑作客入球優惠勝出，若加時沒有入球，則需互射12碼決勝。