阿勒斯啞火 和波仲抵博

猪拉多纳

今晚法乙上演一場護級大戰，由阿勒斯主場迎戰身陷水深火熱嘅梅斯（圖左），雖然主隊只要贏波就可以保住乙組席位，但係睇佢哋近排疲弱嘅火力，未必咁易贏到，不妨扒冷博2.95倍和波！（開賽時間：周六凌晨2：30）
梅斯火力法乙最曳

唔經唔覺，阿勒斯喺主場已經連續9仗未輸過，今場只要順利全取3分，就正式護級成功，唔使連續兩季降班，但係要贏波絕對唔易o架！皆因阿勒斯近排啞火情況嚴重，近4場都未入過波，教練洛利都話係大問題，主力射手梅里斯達利又未必出得，就算只係對住尾3嘅梅斯，都未必攻陷到敵軍防線，睇嚟要到最後一輪聯賽先定到生死喇。

雖然話梅斯喺尾二呢輪聯賽要全取3分先至有望「生還」，弊在佢哋係有心無力，唔止入球數字係法乙最少，而且前鋒安迪迪洛特又有傷在身，今場波可以話係累鬥累，想入多球都難喇。