鳥棲砂岩九州捉鼠

猪拉多纳

歐洲主要聯賽爭標已塵埃落定，最後焦點係周日晚英超，大家拭目以待，睇吓曼市雙雄邊隊會成為最終贏家。今晚賽事唔多，可以留意日職賽事，鳥棲砂岩主場對大宮松鼠。日本南部球隊鳥棲砂岩地理位置自成一角，主場威力強大，今仗只係小讓大宮松鼠平半，上盤屬於首選。

（周六下午１時開賽）
日職新軍評級低估

鳥棲砂岩今季升上日職，亦係唯一來自九州嘅球隊，當地球迷對佢哋寄予厚望，因此砂岩每次主場出擊，表現都特別醒神，今季聯賽六場主場取得四勝二和，係各隊最佳。由於砂岩屬於新升班球隊，普遍莊家對佢哋評級仍然較低，賠率往往較好分，以佢哋主場優秀成績，對住平庸之輩大宮松鼠，都只係讓平半，明顯受低估，上盤要得過。

另一場日職大阪飛腳主場對仙台維加泰，飛腳要兼顧亞冠盃，球員踢到殘，成績每況愈下，佢哋另一個問題係防守一向好差，今仗遇上榜首球隊維加泰，情況相當悲觀，平手盤要客軍。（now 633及660周六晚６時直播）

晚上比較有睇頭嘅歐洲波，應該係德國盃決賽多蒙特對拜仁慕尼黑，拜仁球員心繫歐聯決賽，而且佢哋已連續兩季聯賽共四次輸畀多蒙特，今場冇能力讓平半，揀多蒙特下盤。
肥叔心水

鳥棲砂岩 上盤

仙台維加泰 平手盤

米爾頓凱恩斯 上盤

多蒙特 下盤

皇家蘇斯達 下盤