紅鑽正宗劏鵝專家

猪拉多纳

日職早場直播賽事浦和紅鑽主場對新潟天鵝，天鵝主帥黑崎久志球員時期司職前鋒，但教波唔多識調教鋒線，天鵝今季未試過單場入兩球，火力甚弱，加上近年畀紅鑽恰到上心口，作客難搶分，捧紅鑽！（now 633及660周六下午３時直播）
天鵝鋒弱久守必失

黑崎久志其實係鼎鼎大名嘅名將黑崎比差支，呢位星級球員九十年代喺鹿島鹿角鋒芒畢露，收山後展開教練生涯，直到2010年先坐正教新潟天鵝。黑崎久志司職前鋒，唔表示佢識得訓練鋒線，球隊今季放走進攻重心曹永哲，搵番舊將矢野貴章回巢，但佢同王牌射手般奴盧比斯未能擦出火花，大軍聯賽連盃賽十三戰只入七球，齋守完全唔係路。

浦和紅鑽自從改由柏高域領軍後踢三六一陣式，踢得非常機動，隊內年輕球員個個跑得搶得，後防就有出過國嘅槙野智章撐住，呢位國腳級守將同柏高域之前在廣島三箭合作過，今季故劍重逢，仍然合作愉快，仲有巴西中場馬斯奧李察迪斯校炮同處理死球，進攻頗具威脅。紅鑽近十次對天鵝贏九場，屬正宗劏「鵝」專家，今次一於再追多鋪！
前鋒大起柏雷素爾

同日川崎前鋒主場對柏雷素爾，前鋒主帥風間八宏辭任日職理事一職，全心全意教波，大軍近仗回復恐怖攻力，但防線仍然甚多甩漏，今次預計又會同柏軍合演入球騷，大盤係不二之選。
日職推介

川崎前鋒大

浦和紅鑽勝

神戶勝利船讓球主勝