哈特斯求不敗打守「細」波

猪拉多纳

英超有曼市雙雄為冠軍爭崩頭，英甲亦有場矚目嘅升班附加賽首回合上演，由米爾頓凱恩斯主場鬥哈特斯菲爾德。客軍領隊格雷臣出名老謀深算，賽前講明和波冇問題，最緊要次回合返主場做低班「MK仔」，今晚喺首回合出擊肯定睇定嚟食，唔敢貿貿然搶攻，加上佢哋已經連開6口細，捉路一於要1.75倍細。（開賽時間：周六晚7：30）

近季都被視為升班熱門嘅哈特斯菲爾德，開季係威係勢，不過自從喺2月炒咗領隊李爾奇勒之後，新帥格雷臣接掌至今都仲未摸熟隊波，Last8場聯賽有5場失分，所以佢老人家把心一橫留力附加賽，仲喺最後兩場聯賽收起首席射手魯迪斯，畀呢位今季攻入35球嘅神射手叉電，但查實魯迪斯對上4次披甲都食白果，狀態似乎有所回落，絕對係哈特斯菲爾德爭勝嘅最大隱憂。
米爾頓吸取上季教訓唔敢亂攻

格雷臣賽前話，首回合贏唔贏到唔重要，最緊要唔失波，等次回合先發制人強攻，預期今晚會踢得幾保守。主隊米爾頓凱恩斯上季响首輪升班附加賽飲恨，喺自己地頭出擊，竟畀彼德堡省入兩粒，兩回合計仲輸埋添，年輕領隊卡爾羅賓遜亦話已經吸取去季教訓，唔會攻得咁狼，睇個款兩隊都咁小心，唔似會大手交易喎！睇埋攤路，哈特斯菲爾德連續6場聯賽都開細，捉路嘅話冇理由作對，一於死跟！
哈特斯菲爾德連開6口細

日期 戰果

12/05/05 主勝伊奧維2：0

12/04/28 客和華素爾1：1

12/04/21 主勝斯肯索普1：0

日期 戰果

12/04/14 客負普雷斯頓0：1

12/04/09 客負般尼茅夫0：2

12/04/07 主負錫周三0：2
英甲、乙升班附加賽賽制：

採主客兩回合淘汰制，今輪為4強首回合，不設作客入球優惠，若總比數相同，將於次回合後加時作賽，再和就互射12碼決勝。