士砵亭「布」捷謝幕

猪拉多纳

葡超嚟到最後一輪，榜首位置大局已定，今晚壓軸煞科戰有士砵亭主場迎戰布拉加，雖然只係一場風流波，不過地頭威力超強嘅士砵亭，應該會好頭好尾贏埋呢場，以主場11連勝結束賽季，一於捧2.2倍主勝啦！（有線155周日凌晨4：15直播）
布拉加作客3戰不勝

波圖已經成功衞冕，布拉加及士砵亭亦分別篤定第3及第4位置，剩低呢場聯賽當然只係為踢場爭氣波！神射手雲禾夫斯雲高曾經話過自己會以攻入23球為球季目標，但到呢刻為止佢只入咗22球，爭1球先啱數喎！葡超剩番呢一輪，就係佢實踐承諾嘅好機會，小妹就力撐佢今場射死布拉加喇！

至於布拉加嚟到季尾就傳出不利消息，前鋒希達巴保沙懷疑右腳骨有裂痕受傷缺陣，對球隊火力必有影響，何況布拉加近3場作客不勝，演出欠穩定，今晚對住主場已經10連勝嘅士砵亭，想有Happy Ending真係有難度。