西甲煞科華歷簡奴大逃亡

猪拉多纳

今晚西甲煞科，斯維主力研究護級形勢。除包尾桑坦德無力回天外，由第十五至十九位球隊都有降班之虞，其中尾四對尾六——華歷簡奴主場對CF格蘭納達的正面交鋒最為矚目，預計雙方為逃出生天，一定拚盡冇保留，捧入球大最好。（周一凌晨2時開賽）
CF格蘭納達隨時鬥攻

華歷簡奴今季升班後一直表現不俗，一度有力衝擊歐洲賽席位，當大家以為他們提早上岸之際，點知去到三月中開始hea踢，搞出一輪連敗頹勢，近十二仗西甲輸十場，令該隊無端端被捲入護級漩渦。

來到煞科戰，華歷簡奴仍有自救機會，只要該隊於主場戰勝CF格蘭納達就肯定護級成功，以迪亞高哥斯達、達蒙度、米捷的強勁火力，加上搶分心切唔愁冇波入。CF格蘭納達只領先尾三薩拉戈薩兩分，今仗亦要搏命，唔會死守。邊隊能護級成功好難講，但入球大有1.62倍非常抵玩。