國米謝幕最拿手

猪拉多纳

數近三季意甲煞科日最醒球隊，非全勝嘅國際米蘭莫屬，今晚佢哋作客大戰拉素，以「藍黑兵團」季尾強勢，有望爭取煞科日四連捷，平手盤捧國米。

（now 633周一凌晨2時45分直播）
拉素傷兵滿營

自從少帥施特拉馬斯安尼上任後，國米重拾雄風，只輸過畀更勇嘅帕爾馬，上輪米蘭打吡國米以四比二擊敗AC，打破宿敵衞冕聯賽冠軍美夢，士氣大振。國米要搶上第三位，要贏拉素之餘，更要望烏甸尼斯輸波及拿玻里失分，但煞科戰唔諗得咁多，梗係贏咗拉素先講。

拉素季尾被搶走三哥位，全因受嚴重傷兵問題困擾，對住勢盛嘅國米，主場都冇着數。