赫斯爭踢歐霸戰意高一些

猪拉多纳

今日阿king主攻蘇超煞科戰，其中聯賽盟主些路迪去到季尾已開始收韁，碰上仍有目標的赫斯，唔會阻人發達，「讓球客勝」值得考慮。

（now 638周日晚7時30分直播）

赫斯往績處下風，不過上月中在蘇足盃四強淘汰些軍，心理上唔怕對手。最重要係赫斯有戰意，上仗該隊以2比0擊敗聖莊士東，令他們於積分表反壓對手進佔第五，今仗煞科戰只要贏波，便毋須理會聖軍的追擊，肯定奪得來屆歐霸入場券，點會唔搏盡呢。
些路迪奪標後放緩

自重奪聯賽錦標後，些路迪走勢開始放緩，既然冇任何目標，如此表現屬人之常情，雖然係主場謝幕戰，但些軍看來唔會同對手死拚，阿king信赫斯至少能不敗而回。而馬瑟韋爾同登地聯冇乜心理包袱，捧大最好。另外，聖莊士東為追上赫斯爭歐霸席位，主場對格拉斯哥流浪唔會手軟，但他們可能會受赫斯一戰賽果而影響臨場演出，大有分頭值博。