|
|
今晚日聯盃上演第4輪分組賽，當中川崎前鋒會喺A組迎戰浦和紅鑽。川崎今季喺日職表現麻麻，嚟緊應該會將注意力集中喺盃賽上面，適逢呢支神奈川縣勁旅近年喺日聯盃都有作為，朱楓撐1.8倍主W！（開賽時間：周三晚6:00）
日聯盃A組嘅形勢都幾混亂，除咗磐田3戰全勝，第二嘅川崎前鋒至第7嘅廣島三箭相差只得3分。由於小組採單循環制，每隊主客只踢3場，而且僅頭2名可以出線，川崎今晚有地利，根本唔到佢哋唔搏。
紅鑽雙箭冇態 近6戰1勝
睇番數據，川崎目前喺日職排第10，落後榜首仙台維加泰足足8分，爭標唔係咁易，兼且川崎前鋒一向都幾重視日聯盃，近5屆兩次取得亞軍，有往績支持，起碼唔使驚佢哋今晚會揸流攤。講埋陣容，川崎今戰有中場稻本潤一、柴崎晃誠、後衞捷斯同小宮山尊信4名傷兵缺陣，但呢4位老哥係長期十字軍，冇咗佢哋應該冇乜影響。
對家浦和紅鑽狀態勁差，對上6戰只得1勝2和3負，而且場場有失波。上輪佢哋喺日聯盃主場出擊，更以1:4輸畀大阪櫻花，似乎對呢個盃仔採取半放棄態度，射手田中達也、迪臣保保剛啱至傷愈，喺星期一先隨隊操練，狀態好成疑問，紅鑽今晚唔似有運行。
日聯盃賽制：
14支毋須參與亞冠盃的日職球隊分開兩組，進行單循環分組賽，每組首、次名躋身淘汰賽。 |
|
金睛卡
发表于 2012-5-16 08:46
变色卡
显身卡
楼主