法乙雙勒主場做細

猪拉多纳

法乙今晚煞科，基本上大局已定，巴斯蒂亞已奪得冠軍，將同蘭斯及特魯瓦升上法甲，而布羅尼及艾米恩斯篤定降班。唯一懸念係「等」梅斯降班，佢哋落後勒芒及勒哈弗爾三分，得失球差亦落後超過十球，根本護級無望。勒哈弗爾主場對昂熱，勒芒主場對阿勒斯，兩支主隊只要穩打穩紮唔輸，就可以上岸，兩場都揀入球細。

（周六凌晨2時30分開賽）

勒哈弗爾近況唔錯，取得兩連勝兼冇失波，但考慮到佢哋唔需要贏，都可以護級成功，因此對主勝及上盤有顧慮，而且對手昂熱狀態亦不俗，防守穩陣，雙方勢均力敵，入波唔會多。另一場勒芒近期表現麻麻，唔敢奢望贏波，而客軍阿勒斯死晒火，近五場只入一球，捧入球細應該冇衰。
梅斯「大」救贖

至於梅斯護級成功機會已近乎零，球員心理包袱唔大，今仗主場對杜亞斯，應會盡力踢場好波，爭取入多幾球，做得好好睇睇，向球迷「贖罪」。杜亞斯季尾大踢風流波，入球及失球數字都多，今場建議要入球大。