蘇足盃決賽赫斯報喜

猪拉多纳

蘇超已經收咧，但喺格拉斯哥咸普頓公園球場仲有一場壓軸戰──蘇足盃決賽，由喜伯年挑戰赫斯。前者今季大跌Watt，能護級成功都偷笑，赫斯有心爭盃，往績又食住對手，小讓平半非常值博。（周六晚10時開賽）

作為老牌球隊，喜伯年今季表現差強人意，一度於護級邊緣掙扎，雖然在蘇足盃殺入決賽，但晉級過程只對鴨巴甸、艾爾之流，未受考驗。另外，喜軍入波太倚賴加利奧干拿，二號射手利治格菲斯近15場聯賽僅入1球，就算想贏都有心無力。
格食格剋住喜伯年

以波論波，赫斯實力遠勝對手，尤其是鹹魚翻生的史卡素，呢位捷克老將一向以後上埋門見稱，配合高大中鋒奇治比亞堤於前場「開路」，於蘇足盃四強就係靠他倆入波，粉碎些路迪的雙冠夢。另外，赫斯近六次交手未輸過之餘，仲贏咗五場，擺明格食格，既然咁好路，斯維撐硬上盤。