歐國盃：熱身賽之星贏過阿根廷

猪拉多纳

63歲嘅施梅達係紅褲子出身，依家同時擁有德國護照，雖然教練生涯未執教過大球會，但就攞過3次波蘭聯賽冠軍，喺波蘭知名度極高。

今屆我哋係主辦國之一，唔需要參加外圍賽，有見及此，我施梅達身為波蘭領隊，當然要幫班球員安排多場熱身賽啦！好彩，班衰仔都好生性，踢熱身賽都一樣咁搏，我哋喺主場試過0:0和葡萄牙、2:2逼和德國，仲試過以2:1贏阿根廷添，所以今屆喺主場出擊，真係咪以為我哋波蘭冇料到呀！

喺呢年幾時間，我哋大大話話踢咗15場熱身賽，決賽周前仲拉咗隊去到奧地利進行集訓，進一步提升默契同隊形。嚟緊我哋會約戰拉脫維亞、斯洛伐克同埋安道爾，我保證，波蘭一定會以100%狀態同鬥心出戰決賽周！