歐洲盃：「K隊長」球味足等破紀錄

猪拉多纳

要數我旗下第一號愛將，梗係已經35歲嘅「K隊長」加拉高尼斯啦！呢位04年奪標功臣寶刀未老，今屆分組賽佢踢足10場，有7場都係踢足全場90分鐘o架！腳法好、速度夠，最緊要係球味十足，全隊波嘅士氣同鬥志，都係靠佢帶起。呢位前國米中場只要踢埋今屆賽事，仲有望打破名將薩高拉基斯保持嘅120場國家隊上陣紀錄，成為希臘第一人添！今屆我哋食粥食飯都係睇佢o架嘞！