日耳曼兵爭上位射爆瑞士

猪拉多纳

歐國盃奪標熱門德國今晚作客同瑞士拍跳後，就會公布最終嘅23人大軍名單，換句話講即係會有4人被Out，你話今仗有份落場嘅球員點會唔搏命？雖則話日耳曼兵團今仗會有8名拜仁球員放假未歸隊，但都有皇馬孖寶基迪拉同奧斯爾壓陣，鬥志同質素贏晒，1.8倍客勝值捧。（有線61、64、201及204周日凌晨0:00直播）

拜仁8子踢完歐聯獲准放多幾日假，高路斯因傷缺陣，但德國今仗前線仲有奧斯爾、普多斯基等人孭飛，級數依然咁高。再者，包括新星根度簡同賓達兄弟等又要為最終23人席位而戰，鬥志自然毋須懷疑。對家瑞士只係為嚟緊奧運去備戰，陣內至少有8人預計都會去到倫敦，未夠23歲仔，經驗始終輸多少。前線雖則仲有「瑞士美斯」梳頓沙基利撐場，但都恐怕都獨力難支，輸少當贏啦！