歐國盃：英格蘭猛將如雲

猪拉多纳

此組既然有王牌球隊英格蘭，成為首名出線嘅熱門都好合理。英格蘭球星如雲，前鋒有安祖卡路爾及朗尼，中場又有林柏特及謝拉特，球員質素必定係同組之冠。加上領隊鶴臣執教經驗豐富，英格蘭能於歐國盃交出好成績屬意料中事。

當然，球迷都唔能夠輕視法國，自從領隊白蘭斯上任之後，法國演出有明顯改善。而且法國球隊比以前更團結，有力在歐國盃舞台大爆發。至於烏克蘭及瑞典實力較次，要取首名資格阻力好大。尤其係烏克蘭，就算有主場之利亦難以彌補質素。