玻利維亞高原夠反智

猪拉多纳

世界盃南美洲區外圍賽開打，南美賽事向來唔易搞，但如果大家想玩，有一點一定要留意，千祁唔可以單以球隊實力判波，要特別注意主場因素，皆因部分地方位處高原，足以大幅削弱對手戰鬥力。

講番今次重心推介，玻利維亞主場對智利，捧主隊！單睇世界排名，兩隊差一大截，今場莊家開個平手盤，令唔少人走去買智利，不過，熟悉南美波嘅朋友應該都知道玻利維亞高原主場好惡，即使超級勁旅巴西同阿根廷去到都難言穩勝，智利近年進步神速，但始終唔係大超班，唔好睇得太高，呢場可博玻利維亞！

（周日凌晨4時10分開賽）
克羅地亞搏過挪威

另一場值得留意係國際熱身賽挪威主場對克羅地亞，克羅地亞向來唔起眼，經常都可換來理想賠率，但呢班波真係好硬淨，肥叔不嬲都視佢哋為愛隊，加上要打歐國盃決賽周，戰意更盛。挪威近年發展麻麻，呢場莊家開平手盤，可捧克羅地亞！
肥叔心水

丹麥上盤

比利時下盤

克羅地亞平手盤

烏拉圭上盤

玻利維亞平手盤

阿根廷大