格仔軍主「歷」回歸要攞「威」

猪拉多纳

克羅地亞今晚造訪挪威，踢歐國盃前最後一場熱身賽，小妹今場就睇好有幾位主力復出嘅格仔兵多啲！原來佢哋唔少成員都經歷過內戰困境，所以鬥心絕對無可比擬，今場波小妹力捧2.48倍客勝！（開賽時間：周日凌晨1:00）
莫迪歷 奧歷歸隊撼挪威

雖然克羅地亞守將洛夫雲因為腳傷遲遲未好番，被迫退隊，但好消息係今場兩位主「歷」莫迪歷同奧歷都已經歸隊，克軍上場冇咗佢兩個都贏愛沙尼亞3:1，今場加埋喺愛華頓半季就入咗9球嘅謝拉域，最強陣容出戰要打低挪威又有咩難度先？難怪中場卡蘭積卡都話信心十足，仲話相當期待嚟梗第一場分組賽添！

其實克羅地亞唔少球員都經歷過90年嘅內戰，例如莫迪歷6歲嗰陣就被迫逃離家鄉，祖父仲喺戰爭中過世，咁多難關都一一克服，鬥心亦特別強，無論熱身賽定正式比賽都會全力以赴。反觀挪威由艾度拿奧爾領導嘅鋒線表現麻麻，破到蛋都偷笑啦！