巴畢9將回歸恭候中國

猪拉多纳

西班牙繼上周以4:1炒南韓後，今晚再約戰亞洲球隊，以夫添恭候國足，鋒線3子同一眾世界級攻擊好手為咗爭正選位，定必使出渾身解數，西班牙個讓球主客和開出「-2」得1.58倍，反而中位數3.5球就有1.78倍，小妹有信心西班牙可以大捷，一於揀好分啲嘅「入球大」啦！（開賽時間：周一凌晨4:00）

「狂牛軍團」喺歐國盃前最後兩場熱身賽，似乎係專登約戰亞洲球隊，希望大勝振軍心。佢哋上仗鬥南韓，因為班巴塞同畢爾包兵未歸隊，搞到領隊迪保斯基要急Call冇入選嘅替工幫手，誰不知個陣殘到不堪依然輕取對手4:1，今仗更有巴塞同畢爾包共9名主力回歸，由沙維、恩尼斯達、沙比同布斯基斯合組黃金中場線，國足都幾難掂到個波。

呢場波嘅另一焦點，就係領隊迪保斯基點排陣。上兩場熱身賽，兩大中鋒尼格度同費托都分別踢過正選，雖然「王子」上場有波入，但係今晚有洛蘭迪歸隊，小妹認為迪保斯基應該會先畀呢位「巨塔」擔正，之後再換其他箭頭，試勻鋒線3星後先決定歐國盃正選誰屬，試問呢班攻擊好手，又點敢唔搏命吖？
部分國足隊員到埗後流鼻血

國足雖有西班牙名帥甘馬曹領軍倒戈，但從中國隊喺世盃外圍賽嘅表現嚟睇，佢哋想同歐洲列強抗衡，仍然有相當漫長嘅路要走。而且西班牙天氣實在太熱，有唔少國腳去到因為唔適應天氣流鼻血，守將許博同張力又話因傷唔踢得，有廣州恒大7名主將在陣嘅國足，失3、4球都怕且係最低消費。
橫數千軍

鬥牛軍12年3戰入11球

 ‧2012年3場國際賽全勝，得11球失1球。

 ‧近9場7勝1和1負，其中6場開大。

中國近10戰6鋪開大

 ‧近10場賽事最多只失1球。

 ‧近10戰獲7勝3負，其中6場開大。