伊朗超班嗒糖烏茲別克

猪拉多纳

還記得上屆世界盃亞洲區外圍賽，西亞球隊全軍盡墨，最後血脈巴林亦喺附加賽被新西蘭淘汰，不過喺今屆10強賽，東亞只係佔其中3隊，日、韓晉級過程表現毫無說服力，殺入巴西決賽周已經再唔係必然。
烏茲別克5件停賽

至於位處中亞嘅烏茲別克，喺上圈取得5勝1和，力壓日本首名出線，今晚喺A組主場迎戰伊朗，平手盤似乎幾抵玩，但今仗佢哋有5名主力要停賽，實力大幅減弱，再睇埋當地球會喺今屆亞冠盃嘅表現，就明白佢哋理應被睇低，喺亞冠盃被編入東亞區嘅賓約哥雖然殺入8強，弊在出戰西亞分組賽嘅拿薩夫同埋柏克塔哥就分組賽出局，完全唔夠揪，就知西亞「一哥」伊朗先至係波。

伊朗有3支球隊參戰今屆亞冠盃，結果全數殺入淘汰賽階段，佢哋嘅主力亦成為國家隊骨幹，再加上於禾夫斯堡搵食嘅翼鋒迪查加，可以克服傷患趕及復出，實力同經驗都唔使懷疑，平手盤值得秤先。（now671台周日晚10:00直播）

足球重心：伊朗（平手）
南美洲區世盃外圍賽賽制：

9支參賽球隊踢雙循環分組賽，小組頭4名直接進身2014年巴西世界盃決賽周，第5名則與中北美洲區第4名進行主客兩回合附加賽，決定出線席位。