吳定強畢業行近一步

猪拉多纳

吳定強尋日憑「京城三寶」增添進帳，頭馬數字累積10場「溫拿」，突破雙位數，距離畢業只差3W，強哥呢兩季向來都喺尾段發力，如今仲有個幾月先至收咧，要爭取達標指日可待。
       
吳定強季尾例有佳作。
京城三寶下季進軍二千

身為「京城三寶」馬主嘅盧偉國博士，對於Gary今季畢業依然好樂觀，其實「京城」系今季都可以講係吳廐嘅搶分籌碼，馬房對上一場頭馬，亦係盧博士另一匹「京城精英」。
       

雖然「京城三寶」至今兩勝都係田草千六米，今場響千八米增程得手，盧博士就話愛駒偏向慢熱，踏入下季分分鐘可以向二千米進軍，其實剛戰響泥地上陣，無非係志在一試，既然性能麻麻，所以畀佢專注番響草地爭功。賽後盧博士就表示全力支持吳定強今季畢業，所以旗下一對愛駒，相信季內仲會繼續幫馬房上陣追數。