客戰匈牙利愛鬥細

猪拉多纳

周二凌晨又有國際熱身賽上演，今次由匈牙利主場對愛爾蘭。剛啱匈牙利以作客身份擊敗捷克，但勿因一場好波就對主隊過分樂觀。實在愛爾蘭踢法穩打穩紮，匈牙利攻破其大門唔係容易，預計今場入球數字會偏低，細盤可捧。

（周二凌晨2時30分開賽）
查老講明玩防守

愛爾蘭打法以穩健為主，尤其喺老牌意籍教頭查帕東尼指揮之下，愛爾蘭對於防守更為着緊。早前查帕東尼接受訪問時，直言球隊會打防守足球。老帥覺得愛爾蘭喺歐國盃決賽周分組賽抽到下下籤，同組對手西班牙、克羅地亞及意大利，全都係歐洲頂級球隊，愛爾蘭唔做好防守就等於自殺。故此愛爾蘭會把握大賽前最後一場熱身賽，為防守戰術作終極測試。客隊今場主要練習防守，相信唔會積極搶攻。

匈牙利剛賽所贏嘅只係褪色球隊捷克，說服力唔係太強，況且連歐國盃十六強都入唔到，質素好極有限。若果愛爾蘭一如賽前預計打守勢波，以匈牙利嘅實力就好難取得入球。主客雙方都缺乏入球把握，細盤開出機會相當高。