|
|
新船長新時代，瑞典今晚喺熱身賽主場對塞爾維亞，玩2.02倍入球大最穩陣。以往「北歐海盜」瑞典一味打穩陣波，但新帥咸雲喺09年上任後，踢法比以往進取得多，加上佢夠膽發火鬧瑞典足總，唔踢場好波邊有牙力呀？（廣東體育周三凌晨1:00直播）
瑞典喺今屆外圍賽首戰以2:0解決匈牙利後，連續9場開大，對住荷蘭都唔死守，作客輸1:4、主場贏3:1，外國傳媒更加話，之前伊巴謙莫域肯重返國家隊，全因為咸雲肯聽佢支笛，改踢進攻足球。
瑞典主帥咸雲夠進取
雖然瑞典有前鋒艾文達剛啱復操未必落場，但仲有大把攻擊球員揀，中場組合托禾倫同拉斯慕斯伊姆就有強大入球能力。特別要注意嘅係日前咸雲炮轟瑞典足總安排瑞超開快車，搞到部分國腳踢到殘身心俱疲，發完惡應該要整番場好波，唔係以後搵鬼聽佢講？
對家方面，塞爾維亞新帥米赫洛域雖然坐擁高拉洛夫、蘇保迪同伊雲洛域3名高質素守將，諗住可以穩行先，點知防線卻未見穩陣，連續兩場輸0:2，相信佢老哥會好似上兩場熱身賽咁繼續玩輪換，並試一試柏迪遜18歲新星射手馬高域，試圖增強鋒力，同瑞典駁火。 |
|
金睛卡
发表于 2012-6-5 10:02
变色卡
显身卡
楼主