日本作客澳洲冇有怕

猪拉多纳

世盃亞洲區外圍賽10強賽B組重頭戲爆發，澳洲今晚喺主場迎戰日本，唔止影響兩隊出線機會，更係去年亞洲盃決賽翻版。賽前本田圭佑作出「3戰連發」（連續3場入波）宣言，日本受讓平半唔捧點得呀？（now671台周二晚6:00直播）

傷愈後首次獲重召嘅本田圭佑，專登改着4號波衫象徵重生，繼首戰射死阿曼後，上周連中三元為日本以6:0掃低約旦，令佢有機會繼前輩呂比須同三浦知良後，成為第3個於世盃外「3戰連發」嘅日本球員。

國寶歸位，東瀛傳媒梗係捧到上天，原來本田入選國家隊以來，10次有份入波嘅比賽日本都贏晒，當中更有8場淨勝2球，因而被稱為「必勝神話」。另一方面，本田圭佑加香川真司同時打正選的話，戰績亦已改寫成10勝2和，縱使中堅吉田麻也上場受傷，話唔定會激起隊友戰意。
卡希爾唔弗失正選

點解咁講？因為同期出道嘅香川應承咗退隊嘅吉田一定搏命。對家澳洲首戰頂唔順太熱悶和阿曼，上場被收起嘅約舒亞堅尼地喺日職搵食，齋屈高波好易被睇死，中場卡希爾更因為唔弗失去正選，仲靠基維爾同比斯安奴支撐大局，好難惡出樣。

賽制：

今輪為第4圈，10支球隊分兩組踢雙循環分組賽，每組首、次名直接躋身決賽周，兩組小組第3名踢主客兩回合附加賽，勝方與南美洲區第5名再爭出線資格。