英格蘭往績4戰3勝

猪拉多纳

烏克蘭與英格蘭史上只曾交手四次，英格蘭取得3勝1負的成績，但這三場勝仗皆是英格蘭於主場取得，球隊於世界盃外圍賽作客烏克蘭即刻輸波，而當日的入球功臣尼沙蘭高今日仍在陣中，不知會否能歷史重演呢？
功夫足球 高路比恩卡

効力烏克蘭迪尼普嘅高路比恩卡，屬國家隊陣中少有嘅後生仔。高路比恩卡自細就研習空手道，所以身體柔軟，特別係髖關節方面，腰部與腿部擺幅極大，好多高難度射門動作都做得到，情況與瑞典伊巴謙莫域好相似。高路比恩卡擅打左翼，而且腳下功夫純熟，屬於國家隊重點培訓對象。暫時未聽過有大球會睇中佢，但如果今場對英格蘭有好表現，來季出國發展都唔奇。
穩陣工兵 柏加

英格蘭喺今屆歐國盃爆出唔少傷兵，某程度上令到中場柏加可以打正選。其實柏加嘅實力早就被球迷所認同，無奈喺國家隊好少機會上陣，好多球迷都戥佢唔抵。睇番英格蘭嘅比賽，柏加做足中前場聯繫工作，而有佢在場也可大大減輕謝拉特嘅負擔。柏加話歐國盃所有球隊都好勁，烏克蘭有主場之利更加唔可以睇小，為求晉級今場一定拚盡。
近四次交手往績

日期 賽事 賽果（前者主場）

11/10/2009 世盃外 烏克蘭1:0英格蘭

02/04/2009 世盃外 英格蘭2:1烏克蘭

18/08/2004 熱身賽 英格蘭3:0烏克蘭

31/05/2000 熱身賽 英格蘭2:0烏克蘭