御鋒省靚招牌

猪拉多纳

季尾華將輪流威，近期手風甚順嘅湯智傑擒日又有頭馬見面，響第三場憑「御鋒」爆出18倍冷Ｗ，取得今季個人第8Ｗ，同時亦成為其在港從騎以來第100場頭馬，「御鋒」今季喺葉楚航及高伯新兩大馬房都搞唔掂，權哥接手後熱身一仗，上場已經得第三，今次更順利補中，招牌可謂省到立立令，難怪拉頭馬時權哥笑到四萬咁口。
       
御鋒一放到底，取得轉伍廐後首捷。
湯智傑第100Ｗ

響擒日賽前，湯智傑都認為「御鋒」係佢爭取第100Ｗ最大希望，結果全程快放並於末段力拒「帝聖駿駒」，以短頭險勝。對於近期成績止跌回升，湯智傑認為最重要係得到各方支持，他謙稱沒有為自己定下任何目標，每次上陣機會都會盡力而為，今季餘下日子當然希望繼續贏馬。