紅牛報仇有揸拿

猪拉多纳

本輪美職打頭陣賽事係紐約紅牛主場對侯斯頓戴拿模，兩支都係東岸前列球隊，相信今場會有一番龍爭虎鬥。基於今場紐約紅牛有主場之利，爭勝條件應較對手優厚，主W開出機會較高。（周六早上8時開賽）
戴拿模作客無料到

兩隊大約喺一星期前曾經對賽，當時侯斯頓戴拿模以2比0取勝。不過今次輪到紐約紅牛有主場之利，形勢就大有不同。紐約紅牛係其中一支聯賽主場不敗球隊，今場絕對有能力反咬戴拿模。

無疑侯斯頓戴拿模喺聯賽5連捷走勢唔錯，但呢5場賽事大部分都係主場，唯一作客所擊敗嘅對手亦只不過係下游球隊FC多倫多，侯斯頓戴拿模作客欠支持，今場機會一般。
法乙捧摩納哥拉瓦勒

法乙方面摩納哥主場對伊斯特尼斯，同樣選擇主W。摩納哥近幾年剋住伊斯特尼斯，今場值得繼續睇好。另外南特主場對拉瓦勒，「讓球客勝」可捧。南特開季演出麻麻，兩場法乙及法聯盃都未能取得佳績，狀態不足今場難言穩勝，拉瓦勒雖非大勇，但受讓的話投X價值就相應提升。