德國好殘 阿根廷反客為主

猪拉多纳

今晚有場重量級國際熱身賽德國主場對阿根廷，日耳曼軍團多名主力因傷避戰，相反後者有美斯領銜下強陣出擊，此消彼長下，阿King認為阿根廷有得受讓抵玩。

（now 635周四凌晨2時45分直播）

德國坐鎮主場理應秤先少少，不過再望望該隊今仗冇拿姆、舒韋恩史迪加、普多斯基、紐亞、馬里奧高美斯、梅迪薩卡，個陣殘成咁，真係睇見都唔開胃。相反，阿根廷陣容強大，淨係鋒線就有美斯、阿古路、拿維斯同希古恩，連馬斯真蘭奴、迪馬利亞、薩巴列達等在歐洲揾食嘅球星都有入選，加上該隊備戰態度認真好多，贏埋都唔出奇，受讓平半咁筍，實在不容錯過。
甘美奧主場密密食

另外，巴甲「四哥」甘美奧主場夠惡，近十仗贏咗八場，波圖基沙唔係佢哋對手，「讓球主勝」穩陣。至於紐迪高主場對聖保羅，聖保羅上仗意外輸波，今仗知恥近乎勇，勢必作客力擒紐迪高，唔使讓波非常抵玩。