波多黎各「+3」玩殘鬥牛兵

猪拉多纳

西甲今個禮拜開咧，難為一班「鬥牛兵」仲要頻頻撲撲，飛足1.3萬公里去波多黎各踢場無關痛癢嘅太公波，唔單止西班牙傳媒鬧爆，就連陣中球星都怨聲載道，今晚造訪準備搏老命響朵嘅波多黎各未必炒得起，主隊「+3」有3.2倍「讓主」博得過吖！（now632台周四凌晨4:30直播）
西足總袋2,874萬

據報單係今場友誼賽，西班牙足總就可以進帳300萬歐元（約2,874萬港元），都咪話唔和味。之不過班國腳就慘囉，喺西甲搵食嘅球員預計禮拜五先會返到屋企，變相得番兩日預備開鑼戰，西班牙電台RAC-1都指今場波係「愚蠢及冇意義嘅活動」，就連恩尼斯達同沙比阿朗素都話今戰係對體能上嘅一大挑戰，咁多抱怨聲音，仲會唔會搏命o架？

波多黎各係未夠班，但今戰就肯定搏盡老命！領隊甘普斯賽前話，今戰係國家歷史上首次有歐國盃衞冕盟主到訪，令到陣中國腳獲得1次罕有嘅「騷哥利」機會，況且「鬥牛兵」冇揀到佐迪艾巴、查維馬天尼斯同桑馬達3位奧運腳，沙維同佩奧爾亦都免役，波多黎各咁想響朵，話唔埋靠鬥志搭夠頂得住呢！