山度士強攻費古倫斯

猪拉多纳

聽朝山度士喺巴甲作客費古倫斯，大有機會成為尼馬嘅球會復出戰！山度士實力回復完整仲可以受讓平半，梗係捧1.78倍下盤。

（開賽時間：周五早上8:00）
主席私人飛機接尼馬回國

山度士雖然擺脫開季12場僅1勝嘅尷尬走勢，但仍處於聯賽榜中下游，好難向球迷交代，好彩尼馬歸隊救亡咋！「新球王」喺奧運只能帶領巴西攞銀牌，但佢喺山度士仍有力主宰戰局，難怪佢都話想快啲返巴甲啦！球會主席奧利華拉都好心急咁話，會等愛將幫巴西踢完熱身賽，租架私人飛機接佢返嚟踢呢場波。

除咗尼馬有可能喺今場回歸，新收購嘅柏迪斯奧洛迪古斯上場亦成功「開齋」，火力都咪話唔得人驚，今次對住主場4連敗，兼有防中杜利華停賽嘅費古倫斯，要保住不敗又有幾難先？