馬拉加送上門醒切爾達

猪拉多纳

歐洲主流聯賽返嚟喇，西甲同英超齊齊開打，意味住新球季正式展開，希望大家可以旗開得勝。菠菜市場回復熱鬧氣氛，今輪肥叔睇中場西甲賽事，切爾達主場對馬拉加。馬拉加富豪老細話咁快玩厭，唔肯科水買人都算，仲要傳出拖糧，班波士氣好極有限，受讓都信唔過！

（now 632周日凌晨1時直播）

馬拉加兩年前獲科威特財團入主，有老細開水喉大事擴軍，成功殺入前列。不過，馬拉加富貴夢非常短暫，隨住老細失去興趣，班波即時出現財政問題，消息指會方曾拖欠職球員薪金，事件仲畀傳媒踢爆，揭露球會銀根緊絀問題，主將辛迪卡索拉今夏被賣走，反映佢哋真係冇乜錢喇。馬拉加現時士氣麻麻，作客切爾達受讓平半都信唔過，捧對家！
馬略卡「主」打強項

跟住再睇多場西甲，馬略卡主場對愛斯賓奴，馬略卡財政狀況都係唔多好，人腳唔算好強，不過，呢班波勝在小島主場威力勁，「主強客弱」特性都幾明顯，新季佢哋繼續用番呢套搶分方程式，將把握主場出擊機會。愛斯賓奴計級數確係高啲，但作客係佢哋死穴，今場絕對唔易踢，現時莊家開緊馬略卡讓平半至半球，信心甚強，可留意上盤。

喺歐國盃結束後，好多菠菜人士餓波一段時間，開咧呢段時間菠菜意欲特別強，不過，肥叔要提醒大家一點，大部分球隊喺季初階段組軍冇耐，仍然需時磨合，而且各軍休戰多時後狀態未明，變數實在太多，如果真係想贏錢，依家只宜抱觀望態度，唔係叫大家唔玩，而係喺注碼上調整吓，唔使咁快大注搏殺，避免開壞個頭，影響晒成季部署。
肥叔心水

廣島三箭 上盤

柏雷素爾 下盤

諾域治 下盤

雷丁 上盤

切爾達 上盤

馬略卡 上盤