祖雲達斯衞冕第一擊 「主勝」趁熱食

猪拉多纳

「斑馬兵團」上季以不敗姿態奪冠，今季雖然教練干地同幾名主將都捲入假波案要停賽，但係論班底仍然遠超意甲群雄，今晚喺首場意甲迎戰實力冇咩進步嘅帕爾馬，有力以大勝展開衞冕之途，直取1.85倍「讓球主勝」啦！（中央5台周日凌晨2:45直播）
帕爾馬難敵「黃金中場」

祖雲達斯主帥干地大有可能要坐10個月波監，但係小妹仍然睇好佢哋今場可以輕鬆贏波o架！帕爾馬今季冇乜大手筆收購，實力原地踏步，又點同祖記嗰條由派路領導嘅「黃金中場線」抗衡先？只要佢可以延續歐國盃嘅出色表現，一定可以同兩位好拍檔─維達爾同馬治斯奧重現返上年嘅「意甲巴塞」氣勢，前線胡仙歷同基奧雲高有足夠供應就可以盡情數胡啦！

小妹仲記得貝魯斯干尼早排向祖雲達斯大笠高帽，話佢哋係唯一嘅奪冠大熱，嗰陣仲以為貝總想打心理戰，點知祖記之前喺貝魯斯干尼盃，收起派路同卡華禾艾沙姆幾件，半力迎擊AC米蘭仍然輕鬆贏波，難怪意大利傳媒紛紛預言佢哋極有可能衞冕成功，今晚一於用大勝證明實力啦！