|
|
美斯發圍，秘魯有難！阿根廷聽朝喺南美洲區世界盃外圍賽作客秘魯，隊長美斯將巴塞嘅神級表現延續到國家隊，要數多秘魯幾粒有幾難，小妹捧2.5倍「讓客」！
（開賽時間：周三早上9:25）
仲記得美斯之前畀阿根廷球迷狠插踢巴塞踢到曉飛，返到國家隊就冇貨派，但呢位的骰球王終於爭番啖氣！佢喺近6場國家隊比賽足足入咗10球咁多，唔止時不時助攻畀隊友，連罰球都處理得愈嚟愈好，有佢同「皇馬幫」嘅希古恩及迪馬利亞拍住上，就算阿古路離隊養傷，又使乜怕入唔到波先？
馬斯真蘭奴坐完波監
美斯上場對巴拉圭再入靚絕罰球後好開心咁話：「實在太美好喇！當感受到球迷對自己嘅愛嘅時候，我真係覺得好興奮！」其後仲同家人朋友食飯慶功，心情靚爆！西班牙《每日體育報》仲爆話哥迪奧拿喺今年3月曾經同阿根廷領隊沙貝拉密會45分鐘，教精佢點用美斯，今場仲有馬斯真蘭奴復出掩護防線，前線攻得更放心，炒起秘魯冇難度。
論陣容，秘魯其實唔差，前線有拜仁前鋒比沙路同史浩克04射手法芬，但論名氣同質素，就真係好難同星光熠熠嘅客軍比喇。
南美洲區 |
|
金睛卡
发表于 2012-9-11 10:40
变色卡
显身卡