近5戰4勝 追擊多倫多 火燄乘勇搶W

猪拉多纳

國際賽期過後，聽朝由巴甲擔大旗，但由於唔少球隊都受南美洲區世界盃外圍賽拖累，唔少主力都未及歸隊，至於啱啱幫巴西8:0大炒中國嘅森巴本土兵，代表性人物尼馬雖然已返球會山度士報到，但經過一輪舟車勞頓，體力始終輸蝕，星級球員臨急臨忙歸隊絕對唔係利好因素。
多倫多雙星提早收咧

與其勉強揀場巴甲賭，不如諗諗聽朝FC多倫多對芝加哥火燄嘅美職獨腳戲，常規賽已經接近尾聲，由於美職不設降班，個別下游球隊已經等放假，其中一隊就係多倫多，佢哋距離季後賽門檻足足差21分，但就得番7場波去追，換句話說可以提早為下季鋪路，難怪近10戰先贏得1仗，最慘係前鋒高化文斯同埋中場芬寧斯兩名星級球員，已經宣布提早收咧，無論實力、心態都係靠唔住。

相反作客嘅芝加哥火燄就氣勢如虹，近5戰贏咗4仗，夾埋仲入咗12球，力爭東岸季後賽入場券，今戰作客小讓平半，上盤值得捧場。

（開賽時間：周四早上7:00）

足球重心：芝加哥火燄（上盤）

馬膽推介：7場(7) 仔仔女女
仔仔女女守靚位有權W

第7場3班1000米有多匹快馬列陣，但畢竟係季初階段，要一啖氣由頭放到尾唔易，倒不如要可以穩守好位嘅「仔仔女女」，形勢上肯定比好大機會要走外疊嘅「勁勢」好得多。